Mandrake Linux

                          Installasie instruksies

   Konfigurasie Benodig
     * Pentium of aanpasbare verwerker
     * CDROM-aandrywer
     * Ten minste 32 MB geheue, 64MB word aanbeveel

   Om Mandrake Linux te installeer kan so maklik wees as om die
   installasie CD in die CDROM-aandrywer te sit en u rekenaar te herlaai.
   Kyk asb. onder punt 1 vir meer inligting.

   LET WEL:

     * Indien u opgradeer vanaf enige van die 7.0, 7.1, 7.2, 8.0 of 8.1
       Mandrake Linux weergawes, onthou om eers asb. 'n rugsteun van u
       stelsel te neem.
     * Opgraderings vanaf ouer weergawes (voor 7.0) word NIE ondersteun
       NIE! In sulke gevalle moet u 'n nuwe installasie doen en nie 'n
       opgradering nie.
   ______________________________________________________________________

   Hier is die metodes om Mandrake Linux te installeer:

    1. Selflaai direk vanaf die CD
    3. Maak 'n selflaaiskyf met Windows
    4. Ander installasiemetodes
   ______________________________________________________________________

  1. Selflaai direk vanaf die CD

   Die Installasie-CDROM is selflaaibaar. In meeste gevalle kan u die CD
   in die aandrywer plaas en die rekenaar herlaai. Volg dan die
   instruksies op die skerm: druk die [Enter] sleutel om die installasie
   te begin of druk [F1] vir verdere hulp.

   LET WEL:

   Op sekere skootrekenaars, sal die stelsel nie vanaf 'n CD selflaai
   nie. In so 'n geval moet u 'n herlaaiskyf gebruik. Sien punt 2 vir
   detail.

   ______________________________________________________________________

  2. Maak 'n selflaaiskyf met Windows

   Indien u rekenaar nie vanaf 'n CDROM kan selflaai nie en die ander
   metodes nie werk nie, kan u 'n herlaaiskyf as volg maak:

     * plaas die CDROM in die aandrywer en maak die "My Computer" ikon
       oop. Regskliek op die CDROM-skyfikon en selekteer "Open"
     * gaan na die "dosutils"; lêergids en dubbelkliek op die
       "rawwritewin" ikon
     * sit 'n leë stiffie in die aandrywer
     * selekteer "D:\images\cdrom.img" in die "Image File" veld (met die
       aanvaarding dat "D:" die CDROM is, andersins vervang "D:" soos
       nodig).
     * kies "A:" in die "Skyfaandrywer" veld en kliek op "Skryf".

   Om die installasie te begin:
     * Om die installasie te begin sit die CDROM en herlaaiskyf in die
       nodige aandrywers
     * en herbegin die rekenaar.

   ______________________________________________________________________

  3. Ander installasie metodes

   Indien, vir enige rede, die vorige metodes nie u doel dien nie (u mag
   dalk 'n netwerkinstallasie wil uitvoer of van PCMCIA af installeer),
   moet u ook 'n selflaaiskyf maak:

     * In Linux (of enige ander moderne unix) tik die volgende:
       dd if=xxxxx.img of=/dev/fd0
     * In Windows, volg die metode in punt 2 beskryf, maar vervang
       xxxxx.img (sien onder) in die plek van cdrom.img.
     * In DOS, (as die CD is skyf D: is), doen :
       D:\> dosutils\rawrite.exe -f images\xxxxx.img -d A

   Hier is the selflaaibeelde:

   cdrom.img installeer vanaf CDROM
   hd.img installeer vanaf hardeskyf (van 'n Linux, Windows, of ReiserFS
   lêerstelsel)
   network.img installeer vanaf ftp/nfs/http
   other.img installeer met mingebruikte drywers wat nie op die vorige
   diskette pas nie.
   pcmcia.img installeer vanaf PCMCIA-toestelle (waarskuwing, meeste
   PCMCIA-netwerktoestelle word direk ondersteun in network.img)
   usb.img installeer vanaf USB-toestelle: USB netwerktoestelle vir
   netwerkinstallasie, of USB-CDROM/CDRW's vir CD-installasie.
   blank.img installeer pasgemaakte Linux-stelselkern

   blank.img is 'n minimalistiese herlaaibeeld om stelselkerninstallasies
   aan te pas.

   ______________________________________________________________________

   U kan ook 'n teksgebaseerde installasie doen, indien u dalk probleme
   met die verstek grafiese installasie ondervind. Om dit te gebruik,
   druk [F1] by die Mandrake Linux verwelkomingskerm en tik dan text op
   die instruksielyn.

   Indien u benodig om 'n redding op u bestaande Mandrake Linux uit te
   voer, selflaai vanaf die installasie CDROM of enige selflaaiskyf, druk
   [F1] by die Mandrake Linux verwelkoming en tik dan rescue op die
   instruksielyn.

   Sien http://www.linux-mandrake.com/drakx/README vir meer tegniese
   inligting.

   ______________________________________________________________________

  Hoofstappe van installasie:

    1. Plaas die installasie CDROM (of installasieskyf indien nodig) in
       die korrekte skyfaandrywer en herlaai die rekenaar.
    2. Druk [Enter] wanneer die Mandrake Linux verwelkoming vertoon word
       en volg die instruksies noukeurig na.
    3. Na installasie verwyder die CDROM (en selflaaiskyf indien nodig);
       die rekenaar behoort te selflaai.
    4. Mandrake Linux behoort te begin. Na die selflaaiproses, kan u
       "aanteken" op die rekenaar as "root" of enige ander gebruikerskode
       wat u tydens installasie geskep het.

   Baie belangrik:

   Die "root" gebruikerskode sal u onbeperkte toegang gee tot die
   Linux-stelsel. Moet dit nie gebruik, behalwe vir konfigurasie or
   administrasie nie. Vir normale daaglikse take, gebruik 'n normale
   gebruikerskode wat u opstel met "userdrake"
   program of met die "adduser USER" en "passwd USER" instruksies.

                       Voorspoed met Mandrake Linux !

   ______________________________________________________________________

   Vir installasie ondersteuning sien die Mandrake diffusielys en die
   neulvrae (FAQ) op die Mandrake webwerf:

     * http://www.linux-mandrake.com/
   ______________________________________________________________________