Mandriva Linux

           Mga Instruksiyon sa Pag-i-install - Mandriva Linux 2006

   Kinakailangang kompigurasyon
     * Pentium processor o katumbas
     * CDROM drive
     * Dapat may 32 MB RAM, 64 MB rekomendado

   Ang pag-i-install ng Mandriva Linux, sa karamihan ng sitwasyon, ay kasing
   dali lamang ng paglagay ng inyong Installation CD sa inyong CDROM drive,
   at pag-re-restart ng inyong computer. Pakitingnan na lamang ang point 1.

   PAALALA:

    * Kung kayo ay mag-a-upgrade mula sa 7.x, 8.x o 9.x na mga bersiyon ng
      Mandriva Linux, huwag kalimutang i-backup ang inyong sistema.
    * Ang pag-a-upgrade mula sa mga mas lumang mga bersiyon (bago mag 7.0)
      ay HINDI suportado. Sa ganung sitwasyon, kailangan ninyong
      mag-fresh installation at huwag ang pag-a-update.

============================================================================

   Sa ibaba ay nakalista ang iba't-ibang paraan ng pag-i-install ng
   Mandriva Linux:

    1. Mag-boot diretso mula sa CD
    2. Gumawa ng boot floppy gamit ang Windows
    3. Ibang paraan ng pag-i-install

============================================================================

  1. Mag-boot diretso mula sa CD

   Ang Installation CDROM ay bootable. Sa karamihan ng sitwasyon, ipasok
   lamang ang CD sa loob ng drive at i-reboot ang computer. Sundin ang
   mga instruksiyong nakasaad sa screen: pindutin ang [Enter] key para
   simulan ang pag-i-install, o pindutin ang [F1] para sa karagdagang
   tulong.

   PAALALA:

   Sa ilang laptops (mga portable computers), ang sistema ay maaaring hindi
   makapag-boot mula sa CD. Sa ganung sitwasyon, kailangan ninyong maghanda
   ng boot floppy. Tingnan ang point 2 para sa mga detalye.

============================================================================

  2. Gumawa ng boot floppy gamit ang Windows

   Kung ang inyong computer ay hindi makapag-boot mula sa CDROM, kailangan
   ninyong gumawa ng boot floppy gamit ang Windows gaya ng sumusunod:

    * ipasok ang CDROM, tapos ay buksan ang icon na
      "My Computer", i-right click ang CDROM drive
      icon at piliin ang "Open"
    * pumunta sa "dosutils" na direktoryo at
      i-double-click ang "rawwritewin" icon
    * magpasok ng walang lamang floppy sa loob ng floppy drive
    * piliin ang "D:\images\cdrom.img" sa may "Image File"
      field (inaasahang ang CDROM drive ay "D:",
      kung hindi ay palitan ang "D:" sa kailangan)
    * piliin ang "A:" sa may "Floppy Drive" field tapos ay
      i-click ang "Write".

   Sa pagsimula ng installation:

    * ipasok ang CDROM sa loob ng drive, pati na rin ang boot floppy, tapos ay
    * i-restart ang computer.

============================================================================

  3. Ibang paraan ng pag-i-install

   Kung sa anumang rason ang mga nakaraang paraan ay hindi tugma sa inyong
   pangangailangan (gusto niyong mag-network install, mag-install mula sa
   pcmcia devices o ...), kailangan niyo ring gumawa ng boot floppy:

    * Sa ilalim ng Linux (o ibang makabagong mga sistemang UNIX) i-type
      sa prompt:
      $ dd if=xxxxx.img of=/dev/fd0
    * Sa ilalim ng Windows, sundin ang paraan na nakasaad sa point 2, pero
      gamit ang xxxxx.img (tingnan ang ibaba) maliban sa cdrom.img.
    * Sa ilalim ng DOS, inaasahang ang inyong CD ay drive D:, i-type:
      D:\> dosutils\rawrite.exe -f install\images\xxxxx.img -d A

   Ito ang listahan ng mga boot images:

  +-----------------+------------------------------------------------------+
  | cdrom.img       | mag-install mula sa CD-ROM                           |
  +-----------------+------------------------------------------------------+
  | hd_grub.img     | mag-install mula sa hard-disk (mula sa Linux,        |
  |                 | Windows, o ReiserFS filesystem)                      |
  |                 | maaari ninyong i-configure ito para sa inyong        |
  |                 | sistema sa: http://qa.mandriva.com/hd_grub.cgi   |
  +-----------------+------------------------------------------------------+
  | network.img     | mag-install mula sa ftp/nfs/http                     |
  |                 | PAALALA: kailangan ninyong ipasok ang                |
  |                 | network_drivers.img sa loob ng inyong floppy drive   |
  |                 | kung sinabihan                                       |
  +-----------------+------------------------------------------------------+
  | pcmcia.img      | mag-install mula sa mga pcmcia devices (babala,      |
  |                 | karamihan ng pcmcia network adapters ngayon ay       |
  |                 | diretso nang suportado mula sa network.img)          |
  +-----------------+------------------------------------------------------+

   Maaari niyo ring i-burn ang boot.iso sa CDROM at mag-boot gamit ito.
   Suportado nito ang lahat ng paraan ng pag-i-install, cdrom, network,
   at hard-disk.

============================================================================

   Maaari niyo ring gamitin ang text mode na pag-i-install kung, sa anumang
   rason, ay may problema kayo sa default na graphical na pag-i-install.
   Sa paggamit nito, pindutin ang [F1] sa may Mandriva Linux welcome screen,
   at i-type ang text sa may prompt.

   Kung kailangan niyong i-rescue ang inyong kasalukuyang sistema ng
   Mandriva Linux, ipasok ang Installation CDROM (o anumang puwedeng boot
   floppy), pindutin ang [F1] sa may Mandriva Linux welcome screen,
   at i-type ang rescue sa may prompt.

   Tingnan ang http://www.mandrivalinux.com/drakx/README 
   para sa mga karagdagang teknikal na impormasyon.

============================================================================

  Sa ibaba ay ang mga pangunahing hakbang ng pag-i-install:

   1. Ipasok ang Installation CDROM (o Installation Floppy disk kung
      kailangan) at i-restart ang inyong computer.
   2. Pindutin ang [Enter] kung ang Mandriva Linux welcome screen
      ay lumabas at sundin ng mabuti ang mga instruksiyon.
   3. Kung kumpleto na ang pag-i-install tanggalin ang CD-ROM sa
      pag-eject (at anumang floppy disk kung may laman ang drive); ang
      inyong computer ay mag-re-restart. Kung hindi, i-restart ito.
   4. Ang Mandriva Linux ay magsisimula. Pagkatapos ng bootup, maaari na
      kayong mag-login sa inyong computer sa ilalim ng user account na
      ginawa habang nag-i-install, o bilang "root".

   Mahalagang paalala:

   Ang "root" na account ay magbibigay sa inyo ng unrestricted access sa
   inyong sistemang Linux. Huwag gamitin ito maliban sa pag-configure o
   pag-administer ng Linux. Sa pang-araw-araw na gamit, gumamit ng normal
   user account na maaari ninyong i-configure gamit ang "userdrake"
   tool, o gamit ang mga commands na "adduser" at "passwd".

                     Mabuhay sa paggamit ng Mandriva Linux!

============================================================================

   Para sa karagdagang suporta, tingnan ang sumusunod:

    * E-Support sa http://www.mandrivaexpert.com/
    * Mandriva Linux Errata sa 
      http://www.mandrivalinux.com/en/errata.php3
    * Mandriva Linux Security Advisories sa 
      http://www.mandriva.com/security/advisories/
    * On-line na Dokumentasyon sa http://www.mandrivalinux.com/en/fdoc.php3
    * Basahin at sumali sa On-line Discussion Forums ng Mandriva Club sa 
      http://club.mandriva.com
    * Sumali sa mga Mailing List sa 
      http://www.mandrivalinux.com/en/flists.php3
    * Madaling Mapaghahanapang Mailing List archives sa 
      http://marc.theaimsgroup.com/
    * Maghanap sa Internet gamit ang Google for Linux 
      http://www.google.com/linux
    * Maghanap sa Usenet Groups gamit ang Google Groups sa 
      http://groups.google.com/groups?group=comp

============================================================================